Magallaes-Elkano espedizioaren helburu nagusia zen bi ozeano handien, Atlantikoaren eta Ozeano Barearen arteko pasabidea aurkitzea. Azkenean, gaur egun Hego Amerika gisa ezagutzen dugunaren hegoaldean aurkitu zuten pasabide hura. Suaren Lurraldeko biztanle haietaz (patagoiak) mintzo dira eskifaiako kideen bidaia-koadernoak. Itsasartea bazen Magallaesen eskifaia iritsi aurretik, eta garai hartako hiru herri indigenaren berri dugu, gutxienez: kontinenteko aonikenk-ak, Suaren Lurraldeko uharteko selknam-ak eta kawesqar kanoalariak, zeinek beren kostaldeak erabili zituzten ehizarako eta bilketarako barruti gisa. XVI. mendean, tehueltxeak edo aonikenk-ak ziren han bizi zen tribua.