Basurtotarren Etxea

Orube honetan kokatzen zen Getariako merkatari eta armadore nagusienetakoak izan ziren Basurtotarren etxea. XVI. mende hasieran arrantzaren garapen kapitalista bultzarazi zuten, arrasta sare berriak eta almadrabak erosiz eta gazitze-industrian eta ondoren, 1580az geroztik eskabetxe industrian inbertituz. Garai hartan sendi honetako zenbait kide “Armada Invencible” (1588) delakoan hil ziren. XVII. mende hasieran Juan Ortiz de Basurtok Indietako Itsasbiderako galeoien eta baleontzi handien eraikuntzan inbertitu zuen. Bere seme Juan Ortiz eta iloba Cristóbalek jarraitu zuten jarduera horietan, bien artean Ternuarako espedizioak ere antolatu zituztelarik.