Getaria Gipuzkoako kostaldean kokatuta dago eta inguru hau tertziarioko materialez osatutako geruzaz estalita dago, hain ezaguna eta ikusgarria den flysh paisaia osatuz. Bere ingurune naturalean askotariko koloreak ikusi ditzakegu; batez ere, berdea eta urdina.

Bere lau auzotako (San Prudentzio, Askizu, Eitzaga, Meaga) inguru naturala mahastiz estalita dago eta hauei esker Getariako txakolina dastatzeko aukera izango dugu.

Kostaldeko Santiago bidea inguru hauetatik pasatzen da. Zarautzetik sartuz, Getaria zeharkatu eta San Prudentzio ermita ondotik pasa ondoren Askizura heltzen da, kantauriko itsasorantz begira dagoen balkoi paregabera, non Tourseko San Martin eliza kokatzen den, erromsen patroi.

Auzo hauek Getariako ingurune naturala ezagutzeko aukera paregabea ematen dute ibilbide ezberdinen bitartez. 

IBILBIDE LUZEAK

GR121: Talaia

Ibilbide Handiko (GR) bidezidorraren zati honek, Hondarribia eta Mutrikuko Saturraran hondartzaren artean doanak, baleontziak zaintzeko talaia zaharrak zeharkatzen ditu, eta hortik datorkio izena ibilbideari. Itsasoari begira egiten den bidezidor horretan, Jaizkibel-Ulia KBEa, Iñurritzako biotopoa, Garate-Santa Barbara KBEa eta Euskal kostaldeko Geoparkea gurutzatzen dira; baita hainbat hondartza, kala, gotorleku, herri eta auzo ere. Azken finean, Gipuzkoako natura eta kultura ezagutzeko aukera paregabea eskaintzen du.

4. etapa: Orio - Zumaia

Datu teknikoak

Distantzia: 16,5 km
Gutxieneko igoera: 1 m
Gehienezko altuera: 263 m
Igoera guztira: 455 m
Jaitsiera guztira: 455 m
Aurreikusitako denbora: 5 h 25 '

IBILBIDE MOTZAK

PR-Gi 202: Txakolinaren ibilbidea

Ibilbide zirkular honek Zumaia, Getaria eta Zarautz lotzen ditu barnealdeko auzo eta herriekin, hala nola Urdaneta eta Aizarnazabal. Gure ibilbidearen hasiera herri hauetako edozein aukeratu dezakegu eta nahi dugun ibilbide norabidea jarraitu. Belardi, baso eta mahasti txikien artean ibiliko gara, Eskualdeko txakolin-tradizioaren erakusgarri. Barnealdera gorantz egingo dugu, Elkano, Urdaneta, Saitz, Zubialde eta Oikia bezalako auzo ederretatik igaroz. Bidezidorrak Urola ibaiaren ertzera eramango gaitu.

Datu teknikoak

Distantzia: 24,7 km
Gutxieneko igoera: 6 m
Gehienezko altuera: 333 m
Igoera guztira: 891 m
Jaitsiera guztira: 920 m
Aurreikusitako denbora: 8h 15 '

IBILBIDE TURISTIKOAK

San Anton talaia Familia Ibilbidea

Getariako portutik San Anton menditik itsasargirantz igoko gara. Bere ondoan, desagertutako San Anton ermitaren zimenduak eta talaia baten dorre zilindrikoa kontserbatzen dira. Puntu horretatik, Higer eta Matxitxako lurmuturren artean hedatutako euskal kostalde osoa behatzen da. San Anton mendiaren goialdean, historikoki, beste talaia bat kokatu zen. Gaur egungo eraikina, "Katxapo" deitua, XX. mendekoa da. Talaia honetatik ere zoragarria da panoramika.

Datu teknikoak

Distantzia: 1,7 km
Gutxieneko altuera: 14 m
Gehienezko altuera: 107 m
Igoera guztira: 93 m
Jaitsiera guztira: 93 m
Aurreikusitako denbora: 30 '

Kostaldeko Bidea - Zirkularra

Bide honek Getaria eta Zarautz lotzen ditu itsaslabarrak inguratzen dituen pasealeku lau batean zehar, N-634 errepidearen paraleloan doana. Altzako Harria lurmuturreko itsaslabarren ondotik igaroko gara. Eremu horretan, muino harritsu baten gainean, Lasuntalaiko talaia zegoen, gaur egun desagertuta dagoena. Bertatik, talaiariak Malkorbeko badian albureen edo beste espezie batzuen bankuak zeudela ikusi zuen.

Zarautzera iritsi aurretik, Santa Kruz talaiara eta hemendik Santa Barbara baselizara doan bidea hartuko badugu, Getariara itzuliko gara, ibilbide biribil polita eginez.

Kostaldeko bidea

Familientzako ibilbidea

Ibilbide irisgarria

Datu teknikoak:

Distantzia: 1,7 km
Gutxieneko altuera: 14 m
Gehienezko altuera: 107 m
Igoera guztira: 93 m
Jaitsiera guztira: 93 m
Aurreikusitako denbora: 30 '

Ibilbide zirkularra

Familientzako ibilbidea
 
Datu teknikoak
 
Distantzia: 10,6 km
Gutxieneko igoera: 1 m
Gehienezko altuera: 177 m
Igoera guztira: 301 m
Jaitsiera guztira: 301 m
Aurreikusitako denbora: 3 ordu