Español
English
Français
Elkano Estatua puerto
08/02/2023Ongi etorri Euskararen herrira!
Euskara de Getariako ondare garrantzitsuenetariko bat, ezinbestekoa gure kulturan murgildu ahal izateko eta getariar bat gehiago bezala sentitzeko. Euskarak balio berezia du getariarrentzat, gure nortasunaren, kulturaren eta historiaren adierazgarri duelako.
Euskara, bizirik diharduen munduko hizkuntza zaharrenetarikoa da, oraindik ez dakigu zein den bere jatorria ordea. Ikertzaileentzat ere ezezaguna da, genetikoki isolatutako hizkuntza dela diote, ahaiderik aurkitu ez zaion hizkuntza bakarrenetakoa delako. Hizkuntza indoeuroparrak (germaniarrak, erromantzeak, eslaviarrak, etab.) ziren nagusi Europa osoan eta, hala ere, euskara ez da desagertu.
Euskara berreskuratzeko bideak
Azken 35 urtean euskarak 300.000 hiztunetik gora irabazi ditu Euskadin, etxe eta kaleetako hizkuntza zenak, gaur egun indarra handia du bizitzako arlo guztietan, hala nola administrazioan, irakaskuntzan edo hedabideetan.
Euskararen erabilera debekatua egon zen urte luzez, eta elebidun kopuruak gora egin izan duen arren, euskararen berreskuratze prozesua eredu da beste hizkuntza askoren biziberritzeko prozesuetarako nazioartean. Euskarak lege babesa, hizkuntza politika eta herritarren borondatea izan ditu alde azken urteetan, horrela euskararen erabilera bultzatu eta sustatuz.
Getariako kaleetan barrena, erreparatu informazio kartelei eta pegatinei, ikusi al duzu zein desberdinak diren bi hizkuntzak?
Euskara hiztegitxoa
Ausartzen al zara gure hizkuntzan hitz batzuk esaten? Murgildu zaitez gure kulturan eta saiatu zaitez getariarren bizitza ezagutzen beraiekin pare bat hitz euskaraz esanez. Hemen duzu helburu hori lortzeko lagungarria izango zaizun hiztegitxo bat.
Gure kulturaren beste arlo batzuk
Herri kirolak
Herri kirolak dira gure kirol tradizionalak, landa-ingurunean egin diren lanen ondorioz sortutako kirolak hain zuzen ere. Esate baterako, eraikuntzetarako harri handiak mugitzeko lanean oinarrituta jaio zen harri-jasotzaileen kirol hain famatua.
Euskal dantzak
Dantza ere gure kulturaren oinarria da, eta gaur egun oso bizirik dago batez ere gure jaietan, bertan dantzatzen diren dantza askok 400 urte baino gehiagoko historia dituztelarik. Getarian maiatzean ospatzen dugu Euskal Jaien eguna, aitzaki paregabea gure kulturan murgildu eta pare bat dantza pauso ikasteko!
Bertsolaritza
Euskal Herriko kultura immateriala bezala izendatu berri da bertsolaritza, eta euskal kulturan aurkitu dezakegun diziplinarik bitxienetarikoa da. Baino zertan datza bertsolaritza? Bertsotan egitea kantatutako bertso bat momentuan,m bat batean asmatzea da, gidarian ematen duen errima eta doinu jakin bat jarraituz. Bertsolariak aurkitu ditzakezu herriko jaietan, sagardotegietan, eta nola ez, txapelketetan. Bertsolaritza eskolak ere sortu dira urte hauetan zehar, herriko kultura izan den musika hau profesionalizatzeko
Irrintzia
Euskal Herriko “oihu”-a da irrintzia, ozena, goi erregistrokoa eta luzea. Honek batez ere alaitasuna adierazi nahi du, eta ospakizunetan egin ohi da. Getarian, Euskal Jai egunean irrintzi lehiaketa egiten da, gure “oihu” berezi hau balorean jarriz, ez delako ematen duen bezain erraza, saiatzen ausartzen zara?
GETARIAKO EUSKARA
Getarian euskara da hizkuntza nagusia, eta naiz eta inguruko herrien antzeko hizkera izan getariarra (Zarautz eta Zumaia ditu alboan), izaera berezia ematen diote herriko hizkerari getariarrek, doinuan eta joskeran. Bi hizkera desberdin bereiztu daitezke herrian: kaletar-arrantzaleena eta baserritarrena, azken hauena gertuago egonez inguruko herrietako hizkeratik
Aurkitu Ahotsak proiektuan Getariako hizkera horren testigantza diren herritarrak.