Kosta Gastronomika

Elkarguneak magikoak dira. Erakargarriak alde batetik eta misteriotsuak bestetik. Bidegurutzeetan, kanpoaldea eta bertakoa batzen dira, baita lokalen harrotasuna eta kanpotarren jakin-mina ere. Hori gertatzen da Urola Kostan. Ingurune aparta, naturak eta gizakiak ibilbide historiko luzean landutakoa. Zumaia, Getaria, Zarautz, Orio eta Aia ohitura zahar eta berrien sareekin ehuntzen dira.


Oria ibaiaren ibilguak Orioko eta Aiako istorioak batzen ditu. Aiako auzo batzuetan sartzeko, lehenik Zarautz zeharkatu behar duzu. Bien artean, Pagoetako Parke Naturala dago, 2.860 hektareako hedadurarekin. Zarauztik begiratuz gero, eguzkia nola sartzen den ikusiko dugu San Anton mendiaren atzean, Getariako sagu ezagunaren atzean. Antzina balearen ehizan borrokatu ziren bi herri.

Gaur egun, ibilbide ikusgarria eskaintzen dute herri batetik bestera, hondartzak itsaslabarren atzealdean eta hasieran utziz, bost herrietako marinelek eta surflariek gozatzen duten inguru eder batean.

Getariako txakolina

Getariako txakolina Gipuzkoako nortasunaren ikurra da. Ardo zuria, gaztea eta afrutatua. Hondarribi Blanco ( % 95) eta Hondarribi Tinto ( % 5) barietateekin egina, puntu garratz txiki bat du, desberdin egiten duena eta izaera sendoa duena.


Oso fresko zerbitzatu behar da; eta ukitu karboniko leuneko burbuila bakoitzean usain guztiak zabaltzen dira.

Txakolinaren ezaugarriei erreparatuz gero, konbinazio aparta da beti arrainei eta itsaskiei laguntzeko, eta ezin hobeto uztartzen da egile-sukaldaritzarekin zein sukaldaritza tradizionalarekin. Janaurrekoa bezain aparta, edozein janaritan goxoa.
 
2014T_14051