Filipinetako Konpainiaren ikuslea eta Filipinetako Errege Konpainiaren lehen faktorea Txinan (1787-1796), Manuel de Agote y Bonaecheak Atlantikoko, Indiako Ozeanoko eta, batez ere, Ozeano Bareko ur eta kostaldeetan 1779 eta 1798 artean izandako nabigazio-ibileren testigantza eman zigun. Filipinetako Errege Konpainiaren eskifaia-kide, bidaiari edo faktore gisa Kantonen, hainbat egunkaritan zehar, horietako batzuk nabigaziokoak, askotariko informazio baliotsua eman zigun, geografia-albisteei tarte zabala eskainiz.

1800. urtean eraikitako eta 1836ko erasoan suntsitutako Elkano nabigatzailearen lehen estatua ordaindu zuen. Estatuaren inaugurazioa zela eta, Agoteri eskainitako bertso batzuk egin ziren euskaraz.