Estella-Arpatarren Etxea

Hemen kokatzen zen XVI. mende hasierako arrantza-enpresari getariar sutsua zen Francisco de Estellaren etxe eta ostatua. Zarauz-Jauregiko jaunaren sozio zela, Malkorbe badiako udal-arrantzategia ustiatzeko Nizatik sare berriak ekarri zituen. Harrapaketak berak bultzarazitako gazitze-industriara bideratzen zituen. Bere biloba Francisco de Arpa gazteak bere etxea eta negozioak jarauntsi zituen eta XVII. mende hasiera arte jardun zuen aipatutako jardueretan. 1638ko frantziarren lurreratze saiakeran, Lope de Hoces almirantearen agindupean zeuden ondoratutako galeoietako kanoiak berreskuratzen aritutako urpekariek, hemen hartu zuten ostatu 1639an.